Un lugar teu e para ti onde atopar e promocionar eventos, produtos e servizos próximos á mariña

Que é amarinha.gal?

amarinha.gal é un espazo público para a xente que ten algún tipo de relación coa mariña lucense. Este proxecto nace da necesidade de ofrecer unha comunicación local e segura para a nosa comunidade. Para evitar que os eventos, ideas e cultura singulares útiles e incluso necesarios que se están a levar a cabo non pasen desapercibidos. Se todo isto che cadra invitamoste a rexistrarte. Se estás interesado pero non vives na mariña podes rexistrarte en calquera outro servidor mastodon.

Guía de uso

amarinha.gal está soportada e federada con Mastodon, polo que se necesitas algunha explicación máis detallada do exposto aqui podes buscar calquera guía xeral para Mastodon.

Primeiros pasos

Aínda sen rexistrarte, podes facer unha pequena exploración do que está a acontecer por aqui.

Diríxete a "Descubrir" (#️⃣) para explorar publicacións, cancelos ou novas en voga na nosa instancia. Esta información é local a amarinha.gal. Poida que algún dos elementos estea baldeiro, xa que de momento non temos moita actividade (Convidamoste a axudar aqui).

Se queres explorar máis aínda podes dirixirte a "O que acontece" (🌎). Aqui verás todo o publicado de maneira pública no noso servidor ou outros nos que estamos federados. Verás que a información dos servidores federados é moito máis diversa, xa que a xente de A Mariña está interesada e afectada por eventos que ocorren alén da nosa contorna.

Apps

Cada quen ten diferentes maneiras de acceder a internet. Isto é algo que Mastodon e por exensión amarinha.gal tratamos de favorecer. Haberá quen prefira manterse illado das distraccións da rede unha vez marche da casa, polo que acceder dende o navegador de internet será o máis cómodo.

Pero tamén hai quen prefire estar sempre actualizado dende o mobil, a través dunha cómoda app. Invitamos a explorar as diferentes aplicacións listadas aqui, pero un bo punto de partida son as aplicacións predeterminadas para

• Android
• iOS

Agradecementos

A empresa ribadense Eomática prestouse volutaria para hospedar esta instancia



Preguntas frecuentes

O contido publicado nesta instancia a quen pertence?

Ainda que o espazo en disco duro nos pertenza, o contido que está subido en todo momento pertence a usuaria que o sobeu. Nos non poñemos limitacións de subir contido con copyright, sempre e cando sexas a persona dona do contido ou te pertenza (calquera contido con copyright de terceiros pode ser eliminado sen previo aviso). Como suxestión, o mellor e subir contido sen copyright, ou podes indicar cal e a licencia do contido no texto alternativo da imaxe.

Podo usar esta instancia para comunicarme de forma segura con outros?

Non! Esta rede social está orientada á comunicación pública. Podes enviar mensaxes que por defecto só vexan os teus seguidores e incluso só as persoas ás que mencionaches, pero un atacante malicioso podería acceder a esta información. Usa outras canles para información segura.

De que poido falar aqui?

Sempre que sigas as normas de coducta, podes falar do que sexa. Esperamos que este sexa un lugar para a informarse do que acontece en A Mariña. Se sabes de algo que poida interesar a outras persoas na nosa contorna non dubides en subilo. De tódolos xeitos e, como en todos os lugares, a nosa xente ten itereses moi diversos, que tamén intentamos satisfacer. Calquera persoa do Mastodon te pode seguir, asi que todo o que ti consideres interesante sobre calquera temática será tamén benvido! De novo, segue as normas deste servidor se queres permanecer aqui con nos.

1. Trata de ser respetuoso e manter unha linguaxe apta para todos e todas
2. Os discursos de odio non serán permitidos
3. Mantén a instancia libre de violencia

1. aethy.com: suspension
2. circumstances.run: limitation
3. dosgame.club: suspension
4. meerjungfrauengrotte.de: limitation
5. pagan.plus: suspension
6. toki.social: suspension
7. tooot.im: suspension
8. toot.lgbt: limitation